القصيدة التي شغلت الناس

--------------------------------------------------------------------------------

الـــــــــــــــدشــــــــــــــــــــــــــــــرة

أبقــــاي على خير يــــا هذا الدشــــــــرة ***** الـــي قاشيهـــا قي فلان يصــك فـــلان

رانــي حالــــف ما نولـــي ذا المــــــــرة ***** يا لوكـان نموت في صحـراء عطشـان

نعشــر بــر الـــــروم وبــلاد الكفــــــــرة *** ولا نعشــر بــــر الشمـــايت والرعيان

لحديـــث تنوفيــق والضحكــة صفــــــرة ******* والصبـــحة تحيــــا وتفنـى بالقضيــان

بلســـــانه يعطيـــك قنطـــار امســــــــرة********والحيلـــة متلمــــدا تحـــت البيطـــــان

بالرشـــــوة تلقــــاه ماشــي للعمــــــــرة **** ويصلـــي في البيــت في آخر رمضـان

ويولــــي بكلاح وعبـــاية صفــــــــــــرة **** ويعطيهــــا للـــزور وكلام البهتـــــــان

يحلفلــــــــك ليميـــن قــداه ان مـــــــــرة *** ويحلـــف بالكعبـــة ويحلــــــف باقرآن

ويحــــــرم لبزوز ويحــــــرم لمـــــــــرة **** وقير يصـــد عليــــك تلقي كذ به بـــان

اخزيهــم يا خــالقــي في ذا الدشـــــــرة *** ذا القــــــوم اللي حلفهـــا مـا فيه امان

أبقـــاي على خير يا هــذا الدشـــــــــرة *** اللي يحكمـــاه قي الجــاهل والخــوان

تلقـــــى الي فشلـــوا قبــال السبـــــورة *** للسيـــــاسة داخليـــــن بلا سلطــــــان

المرفــــوعة تاليـــــها مجــــــــــــرورة ******** والعطــــــــف يوروه قي لفـــلان فلان

والفعل المجهول مبني على بالكســــرة ***** والسمــــاء الخمســة يديروليهـا شان

تلقـــــى المير حمـــار والنايب بقـــــرة ***** والمجلــــس ثعبــــان يختل في ثعبان

مـــا تفــرز أمـــي على واحــد يقـــــرا ***** وتفــرز صاحــي على واحـد سكــران

قـــي هيدورا لاسقــــا في هيــــــــدورا *** وقي خاين مدسوس في وسط الخيان

وكـــي لكلاب مدربين علـــى الحقــــرا **** ويـــا ويح الي جالــــهم بين النيبـــان

مـــــا يهدرو ولا ثـــار اله ولا جـــــرا ***** وإذا عـــاش يعيش مبهوت وحيـــران

كـــي تسمع حديثهــــم عند الهــــــدرا **** تقـــول أنت لبطـــال هذوا والشجعــان

ولــو تعجنهم ما يجو في ساق مــــرا **** ولـــو توزنهم مــــا يوفولـــك ميــزان

فــي لقــــراب منين يعــلا في شجــرا **** يحسب كــل الخلــــق تحتــو قي ذبـان

أبقــــاي على خـــير ياهذا الدشــــــرا ****** ذا القــــوم الي شانها ما جا كي شـان

وأرزقـــهم لعجــــاج ومعـــاه القبـــرا ***** وزلـــط اللي بدراهمـــه بصح جيعــان

إذا راد اللــــــه مــــن هـــذا المــــــرا ***** مـــــا نرجعـــش خلاص لبلاد البهتـان

وانقـــول على خيــر يا هذا الحفــــرا ***** وراهـــا ليكــم يا المشمت والرعيـــان

ما رانيش على الرجال أهل النعـــــرا **** اللــي كلمتهـــم مــا لقـات منين تبــان

ومــرانيش علــى البزوز الي تقــــرا ***** ومارانيش علــى الــي سكنــو لكـفـان

ومارانيش على الشجرا والحجــــــرا **** ومارانيش على الوليــا والحيـــــــوان

مقصـــودي رعيان مــا ليهم جــــــرا **** وكــي عكست ليـــام ولى ليهــم شـان

كانــوا مدسوسيـن في وقت الكفـــــرا *** وياســر منهم كــان في صف العديان

ذروك جاب شهود وادخل في الثورا **** واخرج عنده كاميــــو وقهوا وبــلان

ولحقلــه رابيل حــــج وزاد عمــــرا **** واصبح في التــــاريخ يفتي بالبرهان

ويعـــود ويقول بيـــــا واش صــــرا **** كي كنــــا في الزيش نا وحيــاة فلان

فوق حمــــار ولاحقتنــــي طيـــــارا **** وذاك الشــــي ضربتهـا بين الجنحان

واهجمـــت على شار بعمود وحجرا **** دقدقتـــه وقديت في جده نيـــــــــران

أخزيـــهم يا خالقي في هذا الدشــرا *** ذا الحـــركة الي عايشا غير بالبهتان

وارحم من شــــافوا لكحلا والمـــرا **** وماتـــوا شهــاداعلى الصدق وليمان

متعهــــم بالحور فالجنــا الخضـــرا **** واسكنـــهم يا خالقي خيـــــــر الجنان

أنا عبد اللطيــــف من أهل الحضرا *** ونغطــــــــي من را ناوي يعـــــــرين

» مذاهب الناس المخالفين لمسألة الحجاب
» عشرين مهارة تجعلك محبوبا بين الناس
» الحلقة التى تاب بسببها كثير من الناس :: داخل القبر
» الصفات التي لا يجب ان تتوفر في المراة
» ما الاشياء التي لن يسألك الله عنها !!